ചൊവ്വാഴ്ച, ഡിസംബർ 30, 2014

വണ്ടി

ആളു വലിക്കും വണ്ടി
ആളെക്കേറ്റും വണ്ടി
ആളുകൾ കേറിയിരുന്നാൽ
ആഞ്ഞു വലിച്ചവനോടും.

അതിവേഗം അവനോടും
ബഹുദൂരം അവനോടും
ആളുകൾ വിണ്ടും കേറാൻ
ആവുന്നതിലും വേഗം!

മോട്ടോർവണ്ടികൾ ചുറ്റും
ചീറിപ്പായും നേരം
അവരോടൊത്തവനോടും
അവന്റെ വണ്ടി വലിച്ച്!

കഥയിൽ കണ്ടൊരു വണ്ടി
'പപ്പു' വലിച്ചൊരു വണ്ടി
കണ്മുന്നിൽ ഞാൻ കണ്ടു
കൊൽക്കത്തായുടെ തെരുവിൽ!

ഒന്നല്ലനവധി വണ്ടി
ആളെ ക്കേറ്റും വണ്ടി
ആളു വലിച്ചോണ്ടിന്നും
അവിടെപ്പാഞ്ഞു നടപ്പൂ!

3 അഭിപ്രായങ്ങൾ: